اليوم : الجمعة 29-7-2011
الوقت : قبل العصر ب شوية (مش فاكر كام بظبت بس الاحداث حتدى فكرة تقريبية للوضع)
المكان: اعتصام سعد زغلول فى الجنينة, محطة الرمل, الاسكندرية.
طبعا دا كان يوم جمعة جديد من نوعة, السلف و الاخوان و الجمعات الاسلامية نزلوا يعملوا مظاهرة (لية و اذاى مش موضعنة) وقفت معاهم شوية عند القائد من بعد صلاة ااجمعة و بعدين رحت مع الاصدقاء على الاعتصام.
قاعدين فى خيمة (tweetup) مع شوية تويبس و المنقشات شغالة, جت وحدة متعصبة جدا واضح انهن من اصحاب الدم الحامى و بتذعق علشان فى واحد بيقول لأهالى الشهداء اطلعوا من الخيمة علشان محدش دفع إيجارها و احنا حنخدها نرجعا لصحبها
حنسميها مدام أ طبعا مجموعة من السمعوا الموضوع دة راحوا معاها على خيمة الشهداء علشان يحلوا المشكلة.
رحنا لقينا واحد لابس جلبية بيضة و سديرى اسود باين جدا انوا من العرب بتوح ناحية برج العرب و الساحل الشمالى حتى فى لهجتة. اية يا عم القصة ؟!!
قال فى فلان و فلان كلمونى من بداية الاعتصام و قالولى يا عم (نسمية عم ب ) يا عم ب عيزين نأجر خيمة نحطها فى الاعتصام نعد فيها و بحكم معرفتى بيهم و معارفى جبتلهم الخيمة دى من صاحبها بعربية و هما بعد كدة كانوا بيدفعوا الإيجار كل فترة و سابوا اهالى الشهداء يعدوا فيها لما نقلوا اعتصمهم من القائد ل سعد زعلول, الناس دى دفعوا لحد الاسبوع الفات و عليهم كدة اسبوع متأخر و صاحب الخيمة عايزها او الفلوس و باعت عربية يا تاخد الخيمة يتاخد الفلوس.
طبعا الناس اتعصبت علية وإية يا عام و انت معندكش دم !و الناس دى تروح فين! و هو طريقة كلامة بتقول انو بياع قديم لبق فى الكلام من الاخر. و قافش يا ياخد الالف جنية يا ياخد الخيمة.
ظهر واحد ابن حلال قالو يا عام الحج الالف جنية دى عندى ... 10 دقائق اسحب من البنك و يبقو فى إيدك. مين الراجل دا ولا تبع مين محدش يعرف بس منالواضح انو معتصم بقالو فترة علشان الناس عارفة نسمية بشمهندس ج .
راح ج و جاب الفلوس لقى عم س (راجل محترم و كل المعتصمين عارفينهم هو و ابنة من بداية الاعتصام و هما بيشاركو فى كل حاجة) متعصب جدا و قاعد يحرق فى سجاير فى علشان الناس المأجرة من الراجل دا الخيمة البطلوا يدفعوا و سابو اسر الشهداء تلبس واقفين على المنصة و بيخطبوا فى الشعب ولا حسين بالمصيبة العملنها .
و كان س اتفق مع ب على انهم يشتروا خيمة اصغر بدال التأجير الحياخد فلوس كتير و سعرها تقريبا نفس سعر الاسبوع إيجار. طب يلا بينا نعلن فى المايك اننا بنجمع علشان خيمة الشهداء طلع ناس بيقولو احنا اللجنة الاعلامية و قررنا ان الموضوع دة ميتعلنش فى الميك علشان حيسىء لسمعة الاعتصام (على انو قلب شحاتة) بس برضة هو واحد تويت خلى الناس تيجى من كل حتة فى الاعتصام تشارك و فى خلال ساعة كانت الفلوس متجمعة كانت المسؤلة عن الفلوس مدام أو معاها كام شاب و كراسة بيتكتب فى كل واح حط كام و الشغل على عيناك يا تاجر علشان محدش يشكك فى زمة حد.
فى ال كام ساعة دول مناقاشات حادة مع بتاع الخيام انت منين و لية و ازاى و بتوع اللجنة الاعلامية و انتم مين الاختركم لجنة اساسا و ازاى دة حصل من غير ما الناس تعرف.
العربية الحتجيب الخيمة وصلت و الفلوس جهزة بس عايزين واحد يروح معاهم وقع الاختيار على شاب من الكانو قاعدين مع مدام أ بيلمو الفلوس. الواد خايف جدا انو يروح مع عربوية الكنج و معاة فلوس ممكن يحصل فية اى حاجة بس عم س ادالو كلمتين طمنو و قلو ام الفلوس لو عايزين يسرقوك اديهم الفلوس بس ترجع سليم و هما مش حيعملولك حاجة علشان احنا لسا عندنا الخيمة القديمة بتعتهم و مش حيخدوها غير لما انت تلرجع بالخيمة الجديدة. خدنا نمرت الولا علشن نتطمن علية و صورنا العربية و نمرتها للامان برضوا.
الوقت عدا بسرعة و لقينا خيمة جديدة بتتفرش قدمنا و كمان بعتنا نجيب واحدة تانية و خدوا القديمة و بقى فى خمتين جداد ملك الاعتصام بدال واحدة إيجار و فلان الكان مأجر القديمة هو الدفع الإيجار القديم و فى اخر اليوم الكل كان مبسوط من الحصل و تكاتف المصرين الميعرفوش بعض بس يعرفوا ان اهالى الشهداء مينفعش يتعملوا كدة
No comments:
Post a Comment