الوصفة السحرية لتجديد الرخصة

علشان كلنا عارفين متاهات المرور حنقلكوا خبرتى الخدتها فى كل السنين الفاتت .

مجرد تجديد رخصة لو الفحص بتاعك لسة سارى و مش بتعمل نقل ملكية ولا نقل محل اقامة .... يعنى اسهل مشوار فيكى يامرور.

انا بتكام عن مرور ابيس فى الاسكندرية لأن انا بتعامل معاهم علاطول.

انا دما بنصح لأى حد خايف او مبتدأ انو يتعين بحد من القاعدين على الرصيف علشان ينجز نفسو.

الورق المطلوب:

2 شهادة كمبيوتر

2 صورة بطاقة صاحب العربية

2 صورة رخصة العربية

طلب شهادة مخلفات

دوسية اصفر

نموزج تجديد رخصة

الخطوات. (انا مرتبهم على حسب الاماكن علشان متلفش حولين نفسك كتير)

1 - دبس الرخصة القديمة فى طلب شهادة الخلفات و روح غرفة اللوح علشان تعرف الرقم القديم كام (دا لو انت معاك نمر جديدة فقط)

2 - خد صورة رخصة و روح ادفع الضريبة

3 - ادفع التأمين الاجبارى

4 - املى كل الورق المعاك (طبعا الجزىء البيتملى عن طريق المواطن)

مرحلة الوحش : تاخد الرخصة المدبسة فى طلب شهادة الخلفات و تحارب وسط الطوابير لحد ما توصل عند الولية. بعد صباح الخير يا ماما تقدم الورق و تستناه لحد ما بخلص. (طبعا لو عايز تعارض على كمية المخلفات عندك النيابة)

6 - تدفع المخلفات و تقدم الدوسية كلة فى الشبام و تاخد ورقة تقدمها عند مطبعة الرخص و تستننا رخصتك تطلع (و كان الله المستعان)

طبعا لو اتزنقت فى اى مرحلة عندك الراجل ال على الرصيف. ده صديقك الوحيد فى بؤرة الفساد دى